ANTAUxMENDu VIAN VIZITON
- Por informoj pri antauxmendoj, bonvolu kontakti la Jubilean Sekretariatan Oficejon
- Segreteria del Giubileo, tel. 0412417926, fakso 0415225327
|
Vizito al la
Baziliko de Sankta Marko |
|
A) Eniro. Enirinte tra la Pordo Sankta Klemento,
la vizitanto trovigxas en la enirejo (1). En la malnovaj tempoj gxi estis simpla
portiko, kaj akiris la nunajn formon kaj dimension dum la 12a jarcento,
eble ecx je la eko de la 13a jarcento. La dekoracio de la mozaikoj kovras
la tutan supran parton
de la konstruado, montrante scenojn el la Malnova Testamento (la Kreado,
Historioj de Noa, Abrahamo, Jozefo kaj Mozeo).
La Cxefa Pordo (2)
: laux gxia arkitekturo gxi eble apartenas
al la plej malnova parto de la katedralo; la malsupra parto de la absido estas
dekoraciita per mosaikoj (la Virgulino inter la Apostoloj kaj la Evangeliistoj)
kiu estas la plej malnovaj en la Baziliko (je la fino de la 11a jarcento);
la konko entenas la mozaikon de Sankta Marko vestita per liturgia kostumo, kiu estas
refarajxo de fratoj Zuccato (pron. Cuk-kato), eble laux kartono de Tiziano
(pron. Ticiano). Dekstre trans la enirejo
la Baptisterio (3)
bonvenigas la pilgrimantojn, ilin rememorigante
pri ilia Bapto, kiu estas la bazo de Kristana vivo. La Baptisterio, kiu ricevis la
nunan strukturon en la 14a jarcento, konsistas el tri komunikigxantaj
cxambroj: la altar-cxambro, la centra zono en kiu trovigxas la baptujo de Sansovino
kaj la antauxcxambro de la baptisterio. Per la Baptisterio oni eniras la flankan
navon de kie oni povas vidi la
Kupolon de la Pentekosto (4)
kiu prezentas la malsupreniron de la Sankta Spirito (simboligita je la centro per
kolombo) - per flamolangoj - sur la Apostolojn.
Malsupre, meze inter la fenestroj, trovigxas la popoloj kiuj, laux la Nova testamento,
auxskultis la anoncon cxiu en sia propra lingvo (Agoj 2.7-11). En la pendentivoj
de la kupolo: kvar grandaj bildoj de angxeloj (verkitaj je la mezo de la
12a jarcento).
Sur la muro de la dekstra navo, la mozaiko pri la Pregxo en la Gxardeno
Getsemano (proksimume 1215-1220) rakontas per sekvenco da tri scenoj, la pregxon
kaj la mortan angoron de Jezuo Kristo en la olivarbaro. |
- Mesa horaro.
- Labortagoj: 07.00 - 07.30 - 08.00 - 08.30
- 09.00 (Meso konventuala kantata)
- 10.00 - 11.00 - 12.00 - 18.45
-
- Dimancxo kaj festotagoj: Vespera Meso je la 18.45 de la Sabato
- 07.00 - 08.00 - 09.00
- 10.00 (Solena Kantata Meso)
- 11.30 - 12.30 - 18.45
- Vespera Solena Meso: 17.30
- (dum somero: 18.00)
-
- Ejoj por la privata celebrado de la Eukaristio en Sankta Marko (nur per antaxmendo):
- Baptisterio (3): 200 personoj;
- Kripto (11): 150/200 personoj;
- Kapelo de Sankta Isidoro (13): 50 personoj;
- Pregxejo de Sankta Teodoro (14): 70 personoj.
-
|
Pli malsupre trovigxas la
pinakes: mozaikoj el la sama agxo kaj auxtoro de tiuj prezentantaj la Virgulinon
kaj la Profetojn, kontraux kiuj trovigxas, je la kontrauxa muro de la navo, Kristo
Emanuelo kaj la Profetoj. Sekve laux la navo, inter la kupolo de la Pentekosto kaj la kupolo de la Jezua Cxieliro, estas la
Kristologia Volbo (5).
Sekvenco da bildoj, dekstre maldekstren, prezentas la finajn eventojn de la vivo de Kristo:
la Kiso de Judaso, la Verdikto de Pilato, la Krucumado, la
Virinoj cxe la Tombo, la Malsupreniro al Limbo, la Rekontigxo kun la
Virinoj, la Rekontigxo kun Tomaso.
Escepte de la Virinoj cxe la Tombo, kiu estas 15a-jarcenta refarajxo,
la tuta volbo agxas je la lasta duono de la 12a jarcento, kaj spite de la
multaj restauxradoj, ankoraux estas integra unuo. La vizito dauxras per la
suda transepto (6)
: centre la ora kupolo prezentas la kvar Sanktulojn
(Leonardo, Nikolo, Klemento, Biagxo) konsideritaj patronoj de la regno, kune kun
la Sanktuloj en la pendentivoj de la kupolo (Dorotea, Eufemia, Erasmo, Tekla).
Sur la okcidenta vando, per du scenoj estas prezentata la miraklo de la retrovo de la
Korpo de Sankta Marko en la internajxo de iu pilastro de la Baziliko (proks. 1220).
Sur la norda volbo, direkte al la kupolo de la Cxieliro, oni povas vidi kvar bildojn
prezentantajn epizodojn de la Vivo de Kristo: la Tentoj, la Eniro en
Jeruzalemon, la Lasta verspermangxo, la Piedlavo (tre interesaj
mozaikoj de la mezo de la 12a jarcento). |
|
La cxambro de la Trezoro(7, lauxpaga
eniro) entenas kelkajn da rimarkindaj
skulptajxoj kaj cizelajxoj; 283 verkoj el oro, argxento, vitro kaj aliaj
multvaloraj metaloj; la plej antikvaj el tiuj verkoj devenas de la kaptajxo de la
4a Krucmilito (1204) el Kostantinopolo. La vizito dauxras direkte al la mezo
de la Baziliko, el kiu altigxas la Kupolo
de la Cxieliro (8). De tie cxi oni povas
rimarki arkitekturajn sxangxojn al la Baziliko (nome, la du grandajn Gotikajn
fenestrojn, direkte suden, al la Dogxa Palaco, kaj okcidenten, al la Placo Sankta
Marko, proks. 1400) kune kun la skulpturajn aldonojn: la Iconostazon, de Jacobello
kaj Pierpaolo delle Masegne, 1394; kaj la renesancajn altaretojn de Sankta
Jakobo kaj Sankta Pauxlo je la flankoj de la katedro. La mozaika ornamilo de la kupolo
(lasta duono de la 12a jarcento) estas la cxefverko el cxiuj mozaikoj en la
Baziliko, kaj la kerno de gxia spirita signifo.
Meze, Kristo inter la Angxeloj kiuj helpas lin en Lia Cxieliro. Malsupre, en
largxa samcentra cirklo, la Virgulino inter du Angxeloj kaj la dekdu Apostoloj
rigardas cxielen, alternante kun arboj de diversaj grandeco kaj formo, elvokivaj pri
la medio - la Mesia Olivarba Monto - en kiu, laux Luko, okazis la Cxieliro (Agoj 1.12).
Pli malsupre, meze de la fenestroj je la bazo de la kupolo, trovigxas 16 virinaj
bildoj (la Virtoj kaj la Beatecoj). En la pendentivoj, la kvar
Evangeliistoj komencas siajn Sakrajn Skribojn cxe la kvar Bibliaj Riveroj (Gxono, Fizono,
Tigriso, Euxfrato), kies akvo, simbole de Fido kaj Bapto, superversxas sur la
komunumo de la fideluloj.
La vizito povas dauxri al
la Sacedotejo (9, lauxpaga eniro)
. La ciborio, el malnova verda marmoro,
tenita de kvar alabastraj kolonoj ornamitaj per epizodoj el la vivo de Kristo
(13a jarcento) en gxia nuna formo, alprenita en la pasinta jarcento, kovras
la cxefaltaron, super la tombo de Sankta Marko. Centre, la kupolo de la Profetoj
(12a jarcento) prezentas la Virgulinon pregxanta kaj la profetojn kiuj montras
siajn Kristologiajn profetajxojn, skribitaj en la kartusxoj. En la absida konko estas
Kristo Cxiopova (Pantokrator) (1506).
La Ora Panelo (10)
estas altara retablo arangxita en Gotika kadro
el orkovrita argxento (meze de la 14a jarcento- dum la regado de la Dogxo Andrea
Dandolo). La multvaloraj oraj kaj klozoneaj kaheloj, estas versxajne faritaj en
Bizanco (10 - 12a jarcento).
La fundamento de la Sacerdotejo kusxas sur la Kripto (11, vizito laux demando)
, kiu agxas de la 9a jarcento
kaj estas la unua kerno de la Katedralo.
La norda transepto (12)
estas dedicxata al Sankta Joahno Evangeliista
kaj al la Madono.
Poste laux la navo, direktigxante al la eliro (B/C), oni povas observi parton
de la antikva marmora pavimo: tre bela ekzemplero de pluraj teknikoj, inter kiuj regas
opus sectile (geometriaj formoj).
La pavimo, kiu sendube unuatempe kovris la tutan surfacon de la Katedralo, estis
multfoje restauxrata kaj rekonstruata dum la jarcentoj, tiel montrante la valoron de
la verko kaj la dauxran atenton kiun gxi cxiam necesis. |
|