"Biata
vui... cummaruzza cu li spini,
ca, prima ri siri manciata,
punciti, e viniti scucciata,
e ppui vi vindicati
'ntuppannu li vuriddati.
Cu mmia... la natura inveci fu tiranna,
e cuannu m'ana manciari
nun ùsunu brocca e mancu canna.
Mi mànciunu, cu 'na sula vuccata,
macari supra a maccia,
e senz'èssiri cugghiuta."
"E' vveru!"
cci rispunni a ficurìnia
"Nui simu lu miegghiu fruttu di la stati,
e la natura ni fici ppi 'ssiri manciati;
cara suruzza, aruci e prilibbata,
ma nun faciti a santa,
ca macari vui vi vindicati!
Se ìu fazzu 'ntuppari u funnamentu,
vui... mittiti 'nsubbùgliu lu palmentu!
Perciò, cummaruzza ficu, 'nvi lagnati
ca vui siennu ammuccata, nun suffriti,
e vi vinnicati!
Mentri ìu, prima ri siri masticata,
vègniu... scupata, spinata
e scucciata."
|
Giuseppe Parisi è l'autore di questa poesia,
tratta dal periodico
LA FONTE
(anno 2002)
|
