| |
S'auttore
de sos vessos de sa cantone fortzis prus
diliccada de sa musica sarda, fit Badore Sini,
sarulesu, de sa leva 'e su 1873, naschiu in d'una
fammilia de pastores, et isse matessi artiau a
monte vintzas a cando tzertos "addottoraos"
che 'nd'hana iscuvertu su valore, cunsizzande de
lu fagher istudiare. Gai che
nd'han'attu unu dottore in lezzes in su 1911,
duos annos appustis d'haer'attu istampare (cun sa
Tipografia Tanchis) unu dramma lummenadu "Il
Medico".
Semper in su 1911, s'annu de sa Gherra de Libia,
cumponet "La Guerra Tripolina",
cantone libera (in italianu) inuve po' otto
fozzos faghet arrejonare su Re cun s'Italia, in
allegoria.
In
su tempus de sa Gherra Manna, sa Primma Gherra
Mondiale, iscriet "Lamentos de sas
teracas de Nugoro" et "Comunismu",
duas cantones in nugoresu-sarulesu chi Sini si
pessavat in mente sua chi podian azzudare po'
allughere una rivolutzione proletaria in s'ala 'e
Nugoro. Sa primma fit a pustis istampada torra in
su 1919 chin su lummene 'e "A sas
theracas pro s'unire in lega" dae
sas tzeraccas matessis, et distribuidu a sa
manera de "sos fozos":
in Nugoro sas poesias fini de fattisi istampadas
suppra fozzos de culores devessos et iscambiadas
in occasiones pubbriccas commente sas 'estas de
sas viddas.
"Comunismu"
este imbetzes sa cantone chin sa cale naschit sa
collaboratzione cun su Mastru Rachel,
venniu a Nugoro po cummandare sa banda tzivica.
Pustis de custa, sa tzittade
ponet in circulatzione una crobbe, "Canzone
Sarda", 'atta zirare sempere
"in fozos", crarammente pagu ammiga
de Sini.
Donzi istroffa commintzada et
si concruit chin d'unu vessu chi pagu a pagu
deventada unu modu 'e narrere usadu vintzas a
una paja 'e generatziones achet: "A
un ommine astutu e intelligente..."
Cust'ettade de Nuoro fit
contada dae su Satta in su "Il
Giorno del Giudizio".
In s'ammentu de custu grandu iscrittore,
sa bennida de sas ideas sotzialistas-communistas
causavat una gherra polittica mala et, a
sutta de sas eletziones, unu zovanu de
una de sas prus connottas fammillias
nugoresas (Menotti Gallisai, in su libru
"Ricciotti Bellisai") davat
iscandulu ispiegande sas teorias
marxistas chene attera arte chei sa
dialettica.
Cando sos communistas perdene sas
eletziones, su Satta concruit su
cappitulu nande su chi tottu Nugoro fit
nande: "L'anno della confusione era
terminato".
A Menotti Gallisai, in Nugoro, fit
dediccada un'attera crobbe, "Cantone
Sarda", chi est essia
anonima, pero po' medas este de Sini gai
tottu.
Su
Mastru Rachel cun Badore Sini |
In su 1921 su Mastru Rachel
iscriet sa musica po' "A Diosa",
chi appustis si diat connoscher commente sa
prus fammosa cantone de amore de sa Barbagia,
fintzas cun su lummene de "Non potho
reposare".
Su chi est pagu connottu, este
chi sa canthone est in duas partes: una dae
s'ommine a sa 'emmina ("A Diosa"),
et s'attera este s'arresposta de sa 'emmina a
s'ommine ("A Diosu").
|
