EN
MONTAGNA
Fico la
facia
nel mus-cio bagnà, soto a 'n pèz
e no 'n sarò tès che la sera.
El so che de tuta sta paze
no porterò a casa che 'l saor
sempre salvàdech,
enema a fili de erba seca
empegnadi al me vècio maion!
Spegià 'n te ogni poza
gh'è 'l eren dei momenti vissudi
per mi, per mi sol
e no penso che sempre,
el tornar là zo
sia na nova condana!
|
A FILO'
Trovarse
'nsieme, lì, come sti ani,
fra zent amica, 'rent a na pignata
de quel de Isera; corer via lontani
sul sentier dei ricordi. Adòs na mata
voja malsana de poder tornar
endrìo 'n dell temp, sia pure per mezora- mezora!- ma
sicuri de trovar, stesse face, la zent, quela de alora.
Trovarse 'nsieme, sora 'n fogolar
-ogni tant na brazada de sarment!
basta uno che 'l taca a ciacerar
<Te ricòrdet?!> che sùbit torna 'n ment
un dopo l'altro, n' fila, 'ncadenài
i ricordi. e va 'ndove se vol,
dese, vintani 'ndrio, tant oramài
ed temp no 'l conta più. Se slongà 'l col...
... se parla pian... Paura che i ne senta? Ma gnanca per
la ment! èco-pol darse- rispèto per ste storie che le
tenta de tornar vive, senza vergognarse.
<Te ricòrdet?!>... e sùbit salta fora
tante matade, tanti dispiazeri,
roba vècia-passada, ma che ancora òcupa la so part en
dei pensieri.
<Te ricòrdet?!> ... e i nossi vinti ani
i salta su ancor freschi, vivi, bèi,
sepolendo rosari de malani
che dopo lori n'è vegnùi fra i pèi.
E per en poc tornem quei de na volta,
senza el aràdio che ne 'nsemeniss...
<Te ricòrdet?!> ... e tuti i altri i scolta
<Te ricòrdet?!> ... e mai no se feniss!
Se svoda le pignate e le bicere:
<Te ricòrdet?!> ... le pipe a pian se smòrza
desmentegade; a spale pu lizere ne sentim noi, pur soto
n'altra scòrza.
<Te ricòrdet?!> ... le brase se fa smorte. Po'
deventa fadiga 'l ciacolar. Alora: <Bona note!>...
e a le so porte! I ricordi?...
Smorzài sul fogolar!
|
LA
VECIA FONTANA
La vecia
fontana,
con l'acqua che core,
che salta, che canta,
l'ei bela.
El sol el ghe zuga
le nef la la veste.
No l'ei miga lustra
la vecia fontana.
Col legn i l'ha fata,
col còr i l'ha ornata.
Doman i la cava
la vecia fonatana.
|